PRENTSA-OHARRA
Nafarroako Mendialdean elkarlanean ari dira arlo
pribatua eta publikoa,
lana eta ekonomia sustatuko dituzten proiektuak
identifikatu eta bultzatzeko
Nafarroako Mendialdeari bultzada emateko asmoz,
elkarlanean eta parte-hartzean oinarritzen den lan metodo berria bultzatu du
Cederna-Garalur Nafarroako Mendialdeko garapen elkarteak. Lanin-G[1]
izena eman diote, lan
eginez lortuko delako landa eremura berrikuntza, sormena eta etorkizuneko lanpostuak
iristea. Horixe da erronka nagusiena, krisitik irteteko pausoak ematea eta
elkarlana da horretarako giltza. Eskura ditugun giza-baliabideei, baliabide
materialei eta naturak eskaintzen dizkigun altxorrei duten balioa ematen
ikastea. Esate baterako, oihanen ustiapen egokia egitea, bertan ekoiztu eta
bertan kontsumitzeko bideak zabaltzea,
biomasa hedatzea…
Entitateen elkarlana giltzarri
Ingurune batek dituen indargune eta ahulguneak
ezagutzeko zer hoberik bertakoei galdetzea baino? LEADER[2]
programa hartu dute oinarri eta lan talde irekiak osatuta ari dira lanean. Gobernantza
parte-hartzailea eginaz, arlo pribatua eta publikoa, norbanakoak, elkarteak,
enpresak, mankomunitateak… hartu-emanean jarri dituzte. Batzuen eta bertzeen
ikuspegiak jasota errealitatea ahalik eta hobekien ezagutu nahian.
Etorkizuna eraikitzeko lanean
Nafarroako Gobernuak eta Europako Batasunak
finantzatu dute egitasmoa LGP-Nafarroako Mendialdea 2007-2013 programaren
bitartez eta 48.000 euroko aurrekontua du. 2013an hasi ziren lanean eta urte
amaierarako 16 bilera eginak zituzten, 187 parte hartzailerekin.
Lau fasetan banatua
Lanin-G lan metodoa lau fasetan banatzen da. Lehendabizi,
eremu estrategikoak zehaztu eta esparru desberdinetako ordezkariak bilatzen
dituzte, hauekin lantaldeak sortzeko. Iritziak bildu eta eskualdearen diagnosia
egitea da hurrengo pausoa. Segidan, lan ildoak eta jarraitu litezkeen
estrategiak proposatzen dituzte denen artean eta amaitzeko egitasmo horiek
aurrera eramateko akzio zehatzak planteatzen dira.
Nafarroako Mendialdea ingurune zabala denez, lan
dinamika errazteko helburuarekin, proiektua zazpi eremutan banatzea erabaki
dute: Sakana, Bidasoa-Baztan-Malerreka, Aezkoa-Erro-Esteribar, Mendialdea,
Erronkari-Zaraitzu, Zangoza aldea eta
Pirinio aurrea. Dena den, Nafarroako Mendialde osoan Natur Guneetako
turismoa eta mikologia garatu nahi dituztenez, arlo horietarako mahai sektorial
bana osatu dute eta bilerak egiten ari dira dagoeneko.
[1] Proyecto de comunicación y
transferibilidad del proceso de gobernanza participativa iniciado por
Cederna-Garalur en el marco del proyecto Lanin-G para el desarrollo sostenible
de la Montaña de Navarra(2013-2014). Este proyecto se marca en el marco de los proyectos
financiados por la Unión Europea: PDR 2007-2013 EJE 4 Leader-DER 2013 1431 413
3 02 DSR
[2] LEADER izenez ezagutzen dira Europar Batasunak landa-garapena
bultzatzeko diseinatutako ekimenak; izena Frantsesezko "Liaisons entre
activités de Developement de L'Economie Rural" izen osoaren siglak dira
(Landa Ekonomiaren Garapenerako Ekintzen arteko Lotura).
Deskargatu: prentsa oharra